Бүгүн, 12-майда Тажикстанда чек ара боюнча кыргыз-тажик делегациялары сүйлөшүү жүргүзөт

Бүгүн, 12-майда Тажикстандын Дүйшөмбү шаарында чек ара боюнча кыргыз-тажик делегациялары сүйлөшүү жүргүзөт. Муну өкмөттүн басма сөз кызматы кабарлады. Өкмөттүк делегацияны кыргыз тараптан вице-премьер-министр Абдырахман Маматалиев жетектейт. Анда тараптар мамлекеттик чек арадагы делимитация жана демаркация маселелерине байланышкан көйгөйлөрдү, 7-майда Баткенде болгон кыргыз-тажик жарандарынын ортосунда чыккан чатактын себептерин талкуулашат. 

Эскерте кетсек, 7-майдагы окуяда 14 кыргызстандык жаран жаракат алган.