Украинанын чыгышындагы эки облуста референдум болуп өттү

11-майда Украинанын түштүк-чыгышында жайгашкан Донецк жана Луганск облустарында көз карандысыздык аймак үчүн референдум болуп өттү.

Чет элдик маалымат булактарына таянсак, Донецк облусунда референдумга жалпы шайлоочулардын 75 пайызы катышса, алардын 90 пайызы өз алдынчалык үчүн добуш беришкен. Маалыматта Луганскта да ушундай эле референдум өткөнү айтылууда. Донецкте шайлоонун жыйынтыгында 10,19 пайыз шайлоочу “каршы” деп добуш берсе, 0,74 пайыз бюллетень жараксыз деп табылган. Добуштардын жалпы жыйынтыгында шайлоочулардын 74,87 пайызы “макул” деп добуш беришкен.