Өкмөт оң рулдуу унааларды өлкөгө киргизүүгө тыюу сала турган мыйзам долбоорун Жогорку Кеңешке жөнөттү

Өкмөт 6-майдагы токтому менен “КРнын Жол кыймылы жөнүндө” мыйзамына толуктоо жана өзгөртүү киргизүү тууралуу” мыйзам долбоорун жактырды. Мыйзам долбоору Жогорку Кеңештин кароосуна жөнөтүлгөнүн өкмөттүн басма сөз кызматы билдирди. Аталган мыйзам долбоору рулу оң жагында жайгашкан автоунааларды өлкөгө киргизүүгө тыюу салмакчы.

Бул мыйзам долбоорун парламентте кароодо ички иштер министри расмий өкүл болуп саналат.