Футбол боюнча Англия курама командасынын Дүйнө чемпиондугуна бара турган курамы белгилүү болду

Англия курама командасы "ЮАР-2010до" жарым чейрек финалда Германия курама командасына 4:1 эсебинде утулуп, мелдештен чыгып калган.

Футбол боюнча Англия курама командасынын башкы машыктыруучусу Рой Хожсон Бразилияда өтө турган Дүйнө чемпиондугуна бара турган футболчулардын тизмесин бекитти. Бул тууралуу бүгүн, 13-майда чет элдик маалымат булактары кабарлады. Маалыматка ылайык, 23 оюнчунун 22си Англия Премьер-лигасынын клубдарында ойнойт.

Тайпалык баскычта Италия, Уругвай жана Коста-Рика менен ойной турган Англиянын курамы төмөнкүчө:

Дарбазачылар: Фрейзер Форстер (шотландиялык “Селтик” клубунун оюнчусу), Бен Фостер (“Вест Бромвич”), Жо Харт (“Манчестер Сити”).

Коргоочулар: Лейтон Бейнс, Фил Жагелка (экөө тең “Эвертон”), Фил Жонс, Крис Смоллинг (экөө тең “Манчестер Юнайтед”), Гари Кэхилл (“Челси”), Глен Жонсон (“Ливерпуль”), Люк Шоу (“Саутгемптон”).

Жарым коргоочулар: Стивен Жеррард, Жордан Хендерсон, Рахим Стерлинг (баары “Ливерпуль”), Алекс Окслейд-Чемберлен, Жек Уилшир (экөө тең “Арсенал”), Росс Баркли (“Эвертон”), Адам Лаллана (“Саутгемптон”), Фрэнк Лэмпард (“Челси”), Жеймс Милнер (“Манчестер Сити”).

Чабуулчулар: Уэйн Руни, Дэнни Уэлбек (экөө тең “Манчестер Юнайтед”), Дэниел Старриж (“Ливерпуль”), Рики Ламберт (“Саутгемптон”).