Транспорт жана байланыш министрлигине Сох анклавын айланып өтүүчү жолдун курулушун тездетүү милдети жүктөлдү

КРнын Транспорт жана байланыш министрлигине Сох анклавын айланып өтүүчү жолдун курулушун тездетүү тапшырылды. Мындай тапшырманы кечээ, 9-январда өткөн жыйында өкмөттүн алдындагы Коомдук тартипти жана коопсуздукту камсыздоо кеңеши аталган министрликке берди. Айланып өтмө автожол Айгүл-Таш-Согмент-Чарбак-Таян багытындагы өзбек анклавын айланып өтүүчү жол болмокчу. Алгачкы жыйынтыктарды Транспорт жана коммуникация министрлиги кеңешке 4-февралда сунуштайт.