Улукбек Кочкоров Бажы биримдиги боюнча: “Кыргызстан азык-түлүк менен өлкөнү 10 пайызга гана камсыздайт, анан кантип 170 миллион калкты камсыздайбыз?”

“Кыргызстан азык-түлүк менен өлкөнү 10 пайызга гана камсыздайт, анан кантип 170 миллион калкты камсыздайбыз?”- деп билдирди депутат Улукбек Кочкоров бүгүн, 20-майда Жогорку Кеңеште өткөн парламенттик угууда. Айтымында, Бажы биримдигине кирүүдө мамлекет алгач өзүнүн калкын азык-түлүк менен кенен камсыздашы шарт. “Биримдикке кирсек, 170 миллион калк ошол 10 пайызыбызды да тартып албайбы деген кооптонуу бар. Өндүрүш болмоюнча атаандаштык жаратуу кыйын, экономикабыз өспөйт”,- деди депутат. 

Айта кетсек, Жогорку Кеңеште бүгүн “Кыргызстандын Бажы биримдигине кириши: пайда жана зыяны” деген темада парламенттик угуу өттү.