Токмокто 71 жаштагы кемпирди сабап кетишти

Токмок шаарында 71 жаштагы Н.В. аттуу кемпирди сабаган аял кармалды. Бул тууралуу Чүй облустук ИИББи билдирет. Аталган пенсионер Токмок шаардык ИИБге арыз менен кайрылган. Анда айтылгандай, 9-январда саат 12:00дөр чамасында Ульяна аттуу аял анын үйүнө кирип, себепсиз сабаган. Бул факты боюнча Токмок шаарынын тургуну Ш.У. кармалып, иликтөө иштери жүргүзүлүп жатат. Мындан сырткары Сокулук райондук ИИБге 8-январь күнү 38 жаштагы Новопавловка айылынын тургуну Д.Р. төрт кыз себепсиз катуу сабагандыгын айтып арызданган. Жабырлануучунун айтымында, аны 6-январда 17:00дөр чамасында Кант шаарынын тургундары Динара, Асел, Алина жана Айдана аттуу кыздар себепсиз сабашкан. Учурда бул иш боюнча изилдөө иштери жүргүзүлүүдө.