Муфтият: “Эгер ажылык сапарга аял барса, аны менен кошо жолдошу барышы зарыл”

“Эгер ажылык сапарга аял барса, аны менен кошо жолдошу же жакын тууганы барышы зарыл”,- деп айтты бүгүн, 21-майда маалымат жыйынында муфтияттын “Ажылык-2014” иш-чарасын уюштуруу штабынын башчысы Замир Ракыев.

Анын айтымында, ажылык сапарга каттоодон өткөндөрдүн саны өтө көп болгондуктан, аларга талаптар коюлду. “Мисалы, 18 жашка чыга электер, буга чейин ажылыкка баргандар ажылык сапарга бара албайт. Мындан тышкары ден соолугу начар жарандардан барбоону суранабыз, анткени Сауд Арабияда аба ырайы абдан ысык. Тик учак менен учуулар болот. Ошондуктан дени сактар гана бара алышат”,- деди Ракыев.