Кытайдын Синьцзян-Уйгур автономдуу районунун Кашкар округунун орун басары Ван Юньжи жетектеген делегациясы Ошко келди

Кытайдын Синьцзян-Уйгур автономдуу районунун Кашкар округунун губернаторунун орун басары Ван Юньжи жетектеген делегация Ош шаарына келди. Алар Ош облусунун ыйгарым укуктуу өкүлү Сооронбай Жээнбеков  менен жолугушуп, 22-майда Ош улуттук драма театрында өтө турган эл аралык көргөзмө-жарманке тууралуу сөз кылышты. Бул тууралуу бүгүн, 21-майда өкүлчүлүктүн басма сөз кызматы билдирди.

Маалым болгондой, анда өткөрүлүп жаткан чоң масштабдагы жарманке жеке ишкерлерге, өндүрүш тармагынын өнүгүшүнө түрткү бере тургандыгы белгилүү болду.

Айта кетсек, 22-майдан 26-майга чейин Кытай Эл Республикасынын экспорттук товарларынын көргөзмө-жарманкеси өтөт. Анда айыл чарба техникалары, үй тиричилигине керектелүүчү боюмдар коюлмакчы.