"Электр станциялары" ишканасы: "Тажикстандан электр энергияны сатып алуу боюнча келишим түзүлдү"

Токтогул суу сактагычында суунун көлөмүн үнөмдөш үчүн “Электр станциялары” ишканасы Тажикстандан 600 миллион киловатт-саатка чейин электр энергияны импорттойт. Бул тууралуу бүгүн, 21-майда аталган мекеменин басма сөз кызматы билдирди.

Маалым болгондой, электр энергияны сатып алуу боюнча чечим Токтогул суу сактагычында суунун аздыгына байланыштуу чыгарылды. 2014-жылдын 14-майында Тажикстандын борбору Дүйшөмбү шаарында “Электр станциялары” жана “Барки точик” (Тажикстан) ишканалары Кыргызстанга 600 миллион киловатт-саатка чейин электр энергиясын сатып алуу боюнча келишимге кол коюшту. Келишимге ылайык, 1 киловатт-сааттын баасы 2 центке барабар болот. 2014-жылдын май-сентябрь айларынын аралыгында 600 миллион киловатт-саатка чейин электр энергиясы берилет.

Белгилей кетсек, бүгүнкү күнү, 21-майда Токтогул суу сактагычында суунун көлөмү 9 миллиард 118 миллион куб метрге барабар.