Ошто студенттердин бүтүрүү кечеси өттү

Ош мамлекеттик университетинин математика жана информациялык технологиялар факультетинде быйылкы жылы окууну аяктап жаткан студенттердин бүтүрүү кечеси болуп өттү. Бул тууралуу бүгүн, 24-майда окуу жайдын басма сөз кызматы билдирди. 

Кечеге факультеттин деканы Таалайбек Асылбеков баш болгон окутуучулар жамааты, студенттер, бүтүрүүчүлөрдүн ата-энелери катышышты.

Анда факультеттин деканы сөз алып, бүтүрүүчүлөргө куттуктоо жолдоп, ийгилик каалады. Ошондой эле мыкты билим алып, коомдук-маданий иш-чараларга активдүү катышкан бүтүрүүчүлөргө Ардак грамоталарды тапшырды.

Мындан сырткары бүтүрүүчүлөрдү университетке жаңыдан кадам таштап жаткан 1-курстун студенттери да куттуктап, белектерин тапшырышты.

Кошумчалай кетсек, быйылкы окуу жылында МИТ факультетин 200 студент аяктады.