Ош. Бүткүл дүйнөлүк баңгизатка каршы күрөшүү күнүнө карата журналисттерге сынак жарыяланды

26-Июнь - Бүткүл дүйнөлүк баңгизатка каршы күрөшүү күнүнө карата ММКлар арасында бир айлык сынак жарыяланды. Бул тууралуу бүгүн, 24-майда мэриянын басма сөз кызматы билдирди.

Маалым болгондой, сынакты КРнын Өкмөтүнө караштуу Баңгизаттарды көзөмөлдөө боюнча мамлекеттик кызматы Ош шаарынын мэриясы менен биргеликте уюштурууда.

Анда бир айлыктын алкагында баңгизатка каршы күрөшүүгө жана алдын алууга багытталган мыкты макала, мыкты телерепортаж, мыкты радиоуктуруулардын авторлору үчүн байгелүү орундар каралган.