"Кудайберген" базарынын жетекчилигинен пара алгандыгы үчүн Монополияга каршы мамлекеттик агенттигинин кызматкери кармалды

"Кудайберген" базарынын жетекчилигинен пара алгандыгы үчүн Монополияга каршы мамлекеттик агенттигинин кызматкери кармалды. Бул тууралуу бүгүн, 26-майда Экономикалык кылмыштарга каршы мамлекеттик кызматынын басма сөз кызматы билдирди.

Маалыматтарга караганда, "Кудайберген" базарынан чыгып келе жаткан маалда Монополияга каршы агенттигинин кызматкери Нургалы Кудаяровдун башкарууундагы мамлекеттик номери жок Мерседес унаасы токтотулуп, текшерүүгө алынган. Анын жыйынтыгында аталган агенттиктин кызматкеринин жанынан атайын белги коюлган 300 миң сом табылган. Белгилүү болгондой, акчаны Н.Кудаяров базардын жетекчилигинен талап кылып, алып кетип жаткан. Кармоо учурунда Н.Кудояров качууга аракет кылган.

Учурда кармалган жаран убактылуу кармоочу жайга камалып, окуя боюнча иш козголду.