Депутаттар Бажы кызматына жөнөкөй жарандар ишке орношо албай турганын айтышты

Мамлекеттик бажы кызматына жөнөкөй жарандар ишке орношо албайт. Муну Жогорку Кеңештин Коррупцияга каршы күрөшүү, ЖКнын Регламент жана депутаттык этика комитеттеринин 26-майдагы биргелешкен жыйынында вице-спикер Асия Сасыкбаева айтты. “5 жаштагы бала да чоңойгондо бажычы болгусу келерин айтат. Бажы кызматынын иши тууралуу ал бала кайдан билет?” деген депутат аталган кызматтын статс-катчыларын тандоо процессине мониторинг жүргүзүүнү сунуштады.