Кыргызстандын аймагында мектеп курагына чейинки балдардын саны 95 200гө барабар

Кыргызстандын аймагында мектепке чейинки курактагылар менен иштеген 837 уюм бар. Ал эми мектеп курагына чейинки балдардын саны 95 200гө барабар. Жогорку окуу жайларында билим алгандардын саны 230 миңден ашык. Бул тууралуу бүгүн, 28-майда Бишкекте “КРнын Билим жана илим министрлиги барьерби же сапаттуу билимдин стимулубу?” деген темадагы талкууда айтылды.

Талкууга КРнын Билим жана илим министри Канат Садыков, билим берүү мекемелеринин, ЖОЖдордун жана бир катар коомдук бирикмелердин өкүлдөрү катышууда. Анда билим берүү тармагындагы сапат, кызматтар,  окуучулардын тандоо укуктары жана алардын арасындагы атаандаштык тууралуу бир катар маселелер көтөрүлдү.