Жумгал районунда "тубаса дудук кызды зордуктаган" деген шек менен мурда соттолгон жаран кармалды

Жумгал районунда "тубаса дудук кызды зордуктаган" деген шек менен мурда соттолгон жаран кармалды. Бул тууралуу Жумгал РИИБи бүгүн, 28-майда билдирди.

Маалыматтарга караганда, 22-май күнү саат 23:40 чамасында милиция кызматкерлерине Жумгал районунун Кызыл-Жылдыз айылынын жараны, 2-топтогу майып, тубаса дудук К.А. аттуу айымды белгисиз адам зордуктап кеткендиги жөнүндө маалымат келип түшкөн.

Ыкчам иликтөөлөрдүн натыйжасында кылмышка шектүү катары Кызыл-Жылдыз айылынын 1981-жылы туулган тургуну, үй-бүлөлүү, 2 баланын атасы Руслан Садыков кармалган. 

Эскерте кетсек, Р.Садыков буга чейин да кыз зордуктоо боюнча соттолуп, боштондукка чыкканына 9 гана күн болгон. Азыркы тапта ал күнөөсүн толугу менен моюнуна алып, Жумгал РИИБинин убактылуу кармоочу жайында камакта экени белгилүү болду.