Ош мамлекеттик университетинде волейбол мелдешинин жеңүүчүлөрү сыйланышты

Ош мамлекеттик университетинде май айында өткөрүлгөн спорттун волейбол түрү боюнча окутуучу, кызматкерлер жана студенттер ортосундагы мелдеш жыйынтыкталып, жеңүүчүлөр сыйланышты. Бул тууралуу бүгүн, 30-майда окуу жайдын басма сөз кызматы билдирди.

Анда байгелүү орундарды камсыз кылган командаларга дипломдор, акчалай сыйлыктар тапшырылды. Оюндун жыйынтыгына ылайык, окутуучу кыз-келиндер арасындагы волейбол оюнунда 1-орунду алган педагогика жана дене тарбия факультетинин командасы диплом жана 5 миң сом, 2-орунду алган медицина факультетинин командасы диплом жана 3000 сом, 3-орунду алган бизнес жана менеджмент факультетинин командасы диплом жана 2000 сом акчалай сыйлык менен сыйланышты.   

Ал эми агайлар ортосундагы мелдеште 1-орунду Медициналык колледждин командасы, 2-орунду педагогика жана дене тарбия факультетинин командалары, 3-орунду администрация командасы камсыз кылышып, жогорудагыдай өлчөмдөгү акчалай сыйлык менен сыйланышты.

Ошондой эле студент кыздар ортосунда 1-орунду педагогика жана дене тарбия факультети, 2-орунду Медициналык колледж, 3-орунду бизнес жана менеджмент факультетинин командалары, студент балдардын ортосунда 1-орунду педагогика жана дене тарбия факультети, 2-орунду тарых-юридика факультети, 3-орунду бизнес жана менеджмент факультетинин командалары ээлешип, акчалай сыйлыктар, дипломдор менен сыйланышты.