Шаани Топчубаева, каза болгон ымыркайдын таенеси: “3 айлык неберемдин өлүмүнө жол тоскондор эмес, дарыгерлер күнөөлүү"

"Алайдагы митингчилер тоскон жолдон өтө албай 3 айлык кыз каза тапты" деген маалыматты Ахматбек Келдибековдин тарапташтары жокко чыгарышты. Алар каза тапкан кыз мурдатан ооруп, 1-2 жолу чет өлкөлөрдөн операция болуп келгенин айтышты.

Ал эми ооруканада көз жумган ымыркайдын таенеси Шаани Топчубаева SUPER.KG порталына “3 айлык неберем жол тоскондордун айынан эмес, дарыгерлердин айынан каза болду” деп билдирди.

Анын айтымында, Гүлчөдөгү ооруканага Алай районунун Үч-Дөбө айылынан келишкен. Жолдо Ахматбек Келдибековдун тарапташтары 10-15 мүнөттөй кармап, коё беришкен. "Саат 22:00дө ооруканага келдик. Дарыгерлердин айынан неберем таңга маал каза болуп калды",- деди ал. 

Айта кетсек, буга чейин Алайда жол тоскондордун айынан 3 айлык ымыркайдын каза болгону айтылган эле.