Кудайберген Базарбаев: "2010-жылдын Июнь окуялары боюнча бир гана иш сотко өткөн, калгандары жабыла элек"

2010-жылдын Июнь окуясында каза болгон балдардын өлүмү боюнча бир гана иш сотко өткөн. Бул тууралуу бүгүн, 2-июнда басма сөз жыйынында социалдык өнүктүрүү министри Кудайберген Базарбаев билдирди.

Маалыматка ылайык, 2010-жылдын Июнь окуяларында 18 жашка чейинки 23 бала каза тапкан. БУУнун Балдар укугу боюнча комитетинин маалыматы боюнча, аталган иштер боюнча сот ишине бирөө гана жеткен.

“Июнь окуясы боюнча сотко бир гана иш өткөн. Калгандары жабыла элек. Учурда тергөө амалдары уланууда. Тергөө иштери аягына чыгары менен ал иштер сотко өткөрүлмөкчү”,- дейт К.Базарбаев.