Өкмөттүн Ысык-Көл облусундагы өкүлү кыш заводунун иши менен таанышты

Өкмөттүн Ысык-Көл облусундагы өкүлү Эмилбек Каптагаев Жети-Өгүз районундагы кыш чыгаруучу заводдордун иши менен таанышты. Бул тууралуу 3-июнда өкүлчүлүктүн басма сөз кызматы билдирди. 

Жети-Өгүз районуна караштуу Мундуз жана Тилекмат айылдарындагы кыш чыгаруучу заводдору аймактын тургундарын жумуш менен камсыз кылып келет. "Мундуз кыш заводу" 5 айдан бери жигердүү иш алып барат жана күн сайын 25 миңдей кыш чыгарат. Аталган жерде 60 адам эмгектенсе, алардын айлык маянасы 10 миң сомдон жогору турат. Тилекмат айылындагы заводдо 30га чукул жергиликтүү тургун эмгектенет.