Ош казыяты ырым-жырымдар, ысырапкерчилик боюнча түшүндүрүү иштерин жүргүздү

Ош шаарында кечээ, 2-июнда шаардын казысы Убайдулла ажы Сарыбаев, Ош шаарынын мэриясынын кызматкерлери жана жергиликтүү депутаттар Амир-Темир кичи районунда ырым-жырымдар боюнча аталган аймактын тургундарына түшүндүрүү иштерин жүргүздү. Бул тууралуу бүгүн, 3-июнда муфтияттын басма сөз кызматынан билдиришти.

Маалыматка ылайык, аталган аймактын тургундарына той-топурдагы ысырапкерчилик, каза тапканды жерге берүүдө колдонулган ашыкча чыгымдар жөнүндө түшүндүрүү иштери жүргүзүлдү.

Амир-Темир кичи районунда өзбек улутундагы жарандар отурукташкандыгына байланыштуу алардын ичинде күйөө баланы 40 күн багуу (мазар), балалуу болсо кыз тараптан күйөө балага жана небересине ашыкча чыгым сарптоо, маркумду жакындарынын жууганы, кыз ала качуу, кырктык, кыз баланы жаш турмушка берүү, тазалык маселеси, өзгөчө үй-бүлө маселесинде түшүнбөстүк, мунун натыйжасында талак маселеси, аялдын укугу жана бир топ көйгөйлөр боюнча үгүт-насаат иштери жүргүзүлдү.