Башкы прокуратура Камчыбек Ташиев боюнча жиберилген өтүнүчүн кайра чакыртып алды

Башкы прокуратура Камчыбек Ташиевдин жактоочусу Икрамидин Айткулов ММКларга аталган ведомство тарабынан өткөрүлгөн соттук-психолого-психиатриялык экспертиза тууралуу "Башкы прокуратура Ташиевдин атына доо келтирүүгө аракет кылып жатат" деп тараткан пикирине карата чечим чыгарганын Башкы прокуратуранын басма сөз кызматы маалымдады. КРнын Кылмыш-процессуалдык кодексинин 19-беренесине ылайык, бардык тараптуу жана объективдүү тергөөлөрдү эске алуу менен Биринчи Май райондук сотуна Камчыбек Ташиевдин экспертизанын жыйынтыгына ылайык баш коргоо чарасын өзгөртүү боюнча жиберилген өтүнүчүн Башкы прокуратура кайра чакыртып алды.