Футбол боюнча Кыргызстан өспүрүмдөр курама командасы “Каспий Кубогу-2014” мелдешинде 7-орунду ээледи

Кечээ, 4-июнда Азербайжанда футбол боюнча 16 жашка чейинки футболчулардан түзүлгөн Кыргызстан өспүрүмдөр курама командасы “Каспий Кубогу-2014” мелдешинде акыркы беттешин өткөрдү. 7-орун үчүн болгон оюнда футболчуларыбыз Өзбекстан курама командасын утуп алды (1:0). Бул тууралуу маалымат Азербайжандын Футбол федерациясынын расмий сайтында жарык көрдү.

Кошумчалай кетсек, мелдешке жалпысынан 9 курама команда катышты. Кыргызстандыктар жалпысынан төрт беттеш өткөрүштү (Азербайжан менен 0:0 эсебинде тең ойногон. Андан тышкары Иранга 3:0 эсебинде, Болгарияга 3:1 эсебинде жеңилген).