Орусиялык спортчу Юлия Липницкаяга экинчи батирди белек кылышты

Кечээ, 5-июнда орусиялык жаш спортчу, Сочи Олимпиадасында командалык жарышта чемпиондукка жетишкен Юлия Липницкая 16 жашын белгиледи. Бул күнү 800 метр бийиктикте жүргөн Николай аттуу парашютчу күйөрманы ага өзгөчө куттуктоо жолдоду. Бул тууралуу орусиялык маалымат каражаттары жазып чыгышты.

Маалыматка ылайык, куттуктоодо "Асмандан сага салам! Туулган күнүң менен! Мен сенин Москвада болгон шоу-кечеңе барып, өнөрүңө күбө болгом. Ошондогу сага гүлдесте берген көз ирмемим дагы да болсо көз алдымда турат. Питерде да болгом. Бирок анда мен сага сүйүүмдү билдире албай калгам. Сага жолугуп, автограф алып, чогуу сүрөткө түшкүм келет. Дагы бир жолу туулган күнүң менен! Сага жетишкендик, ден соолук каалайм. Алдыдагы сынактарыңды ийгиликтүү тапшырып алышыңа тилектешмин" деп жазылат. 

Юлия туулган күнүндө куттуктоо сөздөрүн гана эмес, Москва шаарындагы "Рассказово" турак жай комплексинен 2 бөлмөлүү, аянты 70 чарчы метр батирлүү болду. Бул батирди шаардагы курулуш компанияларынын бири белек кылды. Маалыматка ылайык, Юлиянын апасы бул турак жай комплексине батир алуу үчүн барган. Анын жаш спортчу Юлия Липницкаянын апасы экенин билген жетекчилик ага батирди белекке берүүнү чечкен.