Грек-рим күрөшү боюнча Раатбек Санатбаевдин жаркын элесине арналган эл аралык мелдеш расмий түрдө ачылды

Мелдеш Кожомкул атындагы Спорт Ордосунда өтүп жатат.

Ачылыш аземи спортчулардын парады менен коштолду.

Раатбек Санатбаевдин апасы Дилбар апа балдарынын коштоосунда сахнага чыгып, эл алдында бул мелдештин катышуучуларына ийгилик каалады.

Обого гимн жаңырып, мелдеш расмий түрдө ачылды.

Ачылыш аземи ыр-бий менен коштолду.

Бүгүн, 5-июнда белгилүү балбан, Азиянын 2 жолку чемпиону Раатбек Санатбаевдин жаркын элесине арналган грек-рим күрөшү боюнча эл аралык мелдештин расмий ачылышы болуп өттү.

Ачылыш аземинде даңазалуу балбандын апасы, жакындары, машыктыруучулары жана жакын санаалаштары сөз сүйлөштү. Андан тышкары 8 мамлекеттин спортчулары катышып жаткан мелдештин ачылышы ыр-бийдин коштоосунда өттү.

Эске салсак, Р.Санатбаевди эскерүүгө жана грек-рим күрөшүн жайылтууга багытталган мелдеш 8 салмак категориясында өтөт (59 килограмм салмакта, 66 кг, 71 кг, 75 кг, 80 кг, 85 кг, 98 кг, 130 кг).