Жол-кайгуул кызматы: "2013-жылдын туристтик сезонунда Ысык-Көлдө 85 кырсык катталып, 18 адам каза болгон"

2013-жылдын туристтик сезонунда Ысык-Көлдө 85 кырсык катталып, 18 адам каза болгон, 133 адам жаракат алган. Бул тууралуу бүгүн, 6-июнда маалымат жыйынында ИИМдин Жол-кайгуул кызматынын башчысынын орун басары Темиркан Керимбаев билдирди.

Анын айтымында, ушул жылдын сезонунда Жол-кайгуул кызматы жогорку ылдамдыкта жана мас абалда айдоону катуу көзөмөлгө алышат. “Жол эрежелерин бузган айдоочулар айып пулдарды жаңы тургузулган терминалдарда төлөй алышат. Терминалдар жолго жакын жайларга орнотулууда. Эгер МАИ кызматкерлери тарабынан мыйзам же укук бузууларды байкасаңар, 63-09-01, 63-09-00 ишеним телефондору аркылуу кабарлоону суранабыз”,- деди ал.