Нарын. Мекеме жетекчилери жылдык отчётторун беришет

Нарын шаардык мекеме-ишканалардын жетекчилери жылдык отчётторун беришет. Бул тууралуу шаардык мэриянын басма сөз кызматы билдирет.

Шаардык мэрия бекиткен жобо боюнча, 2013-жылдын 15-январынан 23-январына чейин шаардагы 25 мекеме-ишканалар өздөрүнүн тейлеген тармактарындагы аткарылган иштер тууралуу маалымат беришет. Отчётторду угууга Нарын шаарынын мэри, вице-мэрлери жана мэриянын жооптуу кызматкерлери катышып, анда мекемелер жасаган иштердин күнгөй-тескейи боюнча талкуу жүргүзүшмөкчү.