Төлөнбөгөн карыздын айынан Кыргызстанда газ көйгөйү жаралышы мүмкүн

Карыздарды төлөбөгөндүктөн Кыргызстанда жаратылыш газы боюнча көйгөйү жаралышы мүмкүн. Бул тууралуу бүгүн, 15-январда "Кыргызгаз" ишканасы билдирди. Маалыматка ылайык, бүгүнкү күнгө жалпы газ колдонуучулардын карызы 213 миллион 662 миң сомду түзөт. "Кыргызгаз" газ үчүн Казакстан менен Өзбекстанга 4 миллион 445 миң доллар карыз. “Көгүлтүр от алдын ала төлөм менен сатылып алынгандыктан, карыздардын кесепетинен элге газ берүү иши үзгүлтүккө учурашы мүмкүн”,- дейт аталган ишкана.