Нидерландыда мусулмандар үчүн "халал" сойкукана ачылат

 2014-жылдын июнь айынын ичинде Нидерландынын борбору Амстердамда мусулмандар үчүн "Жылуу ай" аталышындагы "халал" сойкукана ачылганы турат. Мындай маалыматты бүгүн, 9-июнда чет элдик маалымат каражаттары жазып чыгышты. 

Маалыматка ылайык, мында "халал", спирт ичимдиктерин, баңгизаттарын колдонбогон, 5 убак намаз окуган сойкулар кызмат көрсөтүшөт. Эгер тейлөө намаз окуу учуруна туура келсе, кардарлар сойкуларды күтүп турууга аргасыз болушат. 

Аталган жайдын менеджери Жонатан Свик учурда кадыр-барктуу 3 имам бул борделди ачууга макулдугун бергенин айтат. "Биздин борделдин кызматын көрүү менен мусулмандар арам жолдон алыс болушат",- деп билдирген менеджер өз сөзүндө.

Мындай жайдын ачылышы тууралуу жаңылык учурда интернет айдыңында кызуу талкууга алынууда. Анткени шарияттын мыйзамы боюнча, аялдарга бөтөн эркектерге жакындаганга болбойт. Ал эми өбүшүү кылмыш катары эсептелет. 

Кошумчалай кетсек, Иран өлкөсү Канн кинофестивалында иран актрисасы Лейла Хатаминин Жил Жакобду бетинен өөп койгону үчүн аябай сындаган эле. Ал тургай студенттер тобу аны жазага тартуу сунушун киргизген. Эгер сот аны күнөөлүү деп тапса, актриса 50 балак алмакчы.