Ош шаарында муниципалдык ишкананын жооптуу адамы “иштебеген кызматкер үчүн айлык алып турган” деп шектелүүдө

Ош шаарындагы “Жылуулук камсыздоо” муниципалдык ишканасынын жооптуу адамы “иштебеген кызматкер үчүн айлык алып турган” деп шектелүүдө. Бул тууралуу УКМКнын басма сөз кызматы бүгүн, 10-июнда маалымдады.

Белгилүү болгондой, “Жылуулук камсыздоо” муниципалдык ишканасынын “Сулайман-Тоо” тилкесинин башчысы А.Б. жумушта иштебеген жалган кызматкер үчүн ай сайын айлык маяна алып турган.

Аталган факт боюнча, Ош облустук прокуратурасы тарабынан “кызматтык жасалмачылык” жана “кызмат абалынан кыянаттык менен пайдалануу” беренелери боюнча кылмыш иши козголуп, иликтөө жүрүүдө.