Жоомарт Оторбаев Таш-Көмүр шаарында темир эритүүчү заводдун курулушу башталганы жатканын айтты

Премьер-министр Жоомарт Оторбаев бүгүн, 10-июнда "POSCO" компаниясынын президенти Ли Йонг Хун жана Казакстандын Минералдык чийки затты комплекстүү кайра иштетүү улуттук борборунун өкүлдөрү менен жолугушту. Анда өкмөт башчы делегациянын иш сапары Таш-Көмүр шаарында темир эритүүчү заводдун курулушунун салтанаттуу ачылышына утурлай болгону маанилүү экенин айтты. "Долбоордун эртең ишке ашырыла башташына кубанычтабыз. "POSCO" сыяктуу ири компаниялардын биздин өлкөдө иштей башташынын ролу зор. Бул өлкөгө мындан ары да инвестиция тартууга жакшы таасирин тийгизери талашсыз",- деди өкмөт башчы.