Депутаттар чек ара аймактарында жашагандар үйлөрүн сатууга муктаж болсо, аны өкмөт сатып алышы керектигин айтышууда

Парламент депутаттары чек ара аймактарында жашагандар үйлөрүн сатууга муктаж болсо, аны өкмөт сатып алышы керектигин айтышууда. “Жарандардын укугу түздөн-түз бузулууда. Чек ара аймагында жашагандар үй-мүлкүн сатууга мажбур болсо, бирок кардар чыкпай калса эмне кылышат? Алардын үйлөрүн өкмөт сатып алышы керек”,- деди вице-спикер Асия Сасыкбаева. Мындай сунушту башка депутаттар да колдоого алышты.

Айта кетсек, парламентте бүгүн,11-июнда Кыргызстандын айрым чек ара аймактарына өзгөчө статус берүү маселеси каралууда. Сунушталган мыйзам долбоору аркылуу чек ара аймагында жашаган жарандардын үй-мүлкүн чет өлкөлүк жарандарга сатуусуна тыюу салынганы жатат.

Демилгечилер бул аракет мамлекеттин бүтүндүгүн сактап калуу үчүн жасалып жатканын айтышты.