Жогорку Кеңеш газ боюнча өкмөттү бүгүн да жыйынга чакырды

Жогорку Кеңеш “Кумтөр” жана газ маселеси боюнча өкмөттү бүгүн да жыйынга чакырды. Мындай чечим парламенттин 12-июндагы жыйынында 47 депутаттын макулдугу менен кабыл алынды. 21 депутат каршы добуш беришти. Өкмөттү жыйынга чакыруу маселеси ызы-чуу менен коштолду.

Жыйынды алып барып жаткан вице-спикер Төрөбай Зулпукаров менен бир катар депутаттардын ортосунда түшүнбөстүк чыкты. Курманбек Осмонов кесиптеши Зулпукаровду сылык болууга чакырды. “Сиздин келечегиңиз алдыда, депутаттарды кагып-силкип, кекетпей, жакшы мамиле кылыңыз”,- деди.