Сокулук районунда “өз атасын өлтүргөн” деп шектелип 24 жаштагы баласы кармалды

Сокулук районунда “өз атасын өлтүргөн” деп шектелип баласы кармалды. Бул тууралуу Чүй ОИИББинин басма сөз кызматы бүгүн, 12-июнда билдирди.

Маалыматка караганда, кечээ, 11-июнь күнү саат 09:00 чамасында милиция кызматкерлерине маалымат келип түшкөн. Анда Фрунзе айылындагы турак үйлөрдүн биринен жансыз дене табылгандыгы тууралуу айтылган. Окуя болгон жерге милиция кызматкерлери барышканда өлгөн адам 64 жаштагы үй ээси экендиги аныкталган. Иликтөө иштеринин жүрүшүндө бул кылмышка шектүү катары маркумдун 24 жаштагы баласы кармалды. Алдын ала маалыматтар боюнча, ошол күнү атасы менен баласы мас абалында болушкан. Анан ортолорунда уруш чыгып, баласы атасын баш жакка бир канча жолу колу менен урган. Мындан улам атасы каза болгон. Учурда “адам өлтүрүү” беренеси боюнча кылмыш иши козголуп, тергөө амалдары жүрүп жатат.