Өзбекстан Баткендеги чек ара жаңжалында өрттөлүп кеткен 7 унаа үчүн 25,4 миң доллар төлөп берди

Өзбекстан Сох анклавындагы чек ара жаңжалынан жабыр тарткан үй-бүлөлөргө 150 миң доллар төлөп берет. Бул тууралуу өкмөттүн Баткен облусундагы өкүлчүлүгүнүн басма сөз катчысы Мамаджан Бердишев билдирди. Анын айтымында, аталган жаңжалда өрттөлгөн 7 унаа үчүн 25,4 миң доллар төлөндү. Ошондой эле жаңжал учурунда өзбек жарандары айдап, өздөрүнүн аймагына киргизилип кеткен Honda CR-V, Audi жана Mercedes-Benz үлгүсүндөгү 3 унаа да өз ээлерине кайтарылып берилди.