Социалдык фонд май айында Милдеттүү медициналык камсыздандыруу фондуна 145 миллион сом бөлдү

Милдеттүү медициналык камсыздандыруу фонду май айында 145,2 миллион сомго каржыланды. Ал эми эмгекчилердин ден соолугун чыңдоого 19,6 миллион сом сарпталды. Бул тууралуу бүгүн, 13-июнда аталган фонддун басма сөз кызматынан билдиришти.

Маалыматка ылайык, май айындагы Мамлекеттик пенсиялык фондго топтолгон каражаттын суммасы 36,5 миллион сомду түзгөн. Бүгүнкү күндө Кыргызстан боюнча Милдеттүү медициналык камсыздандыруу фондунун карамагында 4 миллион 976 миң адам бар же жалпы калктын 95 пайызын түзөт.

Ошондой эле май айында Милдеттүү медициналык камсыздандыруу фондуна дагы 4974 адам катталганы маалым болду.