Жергиликтүү кеңешке талапкер көрсөтүү укугун партияларга гана берүү демилгеленүүдө

Жогорку Кеңеште бүгүн, 19-июнда "КРнын айрым мыйзам актыларына өзгөртүү жана толуктоо киргизүү жөнүндө" мыйзам долбоору каралып, биринчи окууда добуш берүүгө жөнөтүлдү.

Демилгечилердин айтымында, "Жергиликтүү кеңештердин депутаттарын шайлоо жөнүндө" жана “Жергиликтүү өз алдынча башкаруу жөнүндө” мыйзамдарды өз ара шайкеш келтирүү, аларды дагы башка мыйзамдардын жоболоруна ылайыкташтыруу зарыл. 

Мыйзам долбооруна ылайык, "шайлоочулардын тобу" деген түшүнүк алынып, жергиликтүү кеңештерге талапкерлерди көрсөтүү укугу партияларга гана ыйгарылганы жатат.