Данияр Тербишалиев: "Жогорку Соттун төрайымынын жан сакчы менен жүрүшү туура эмес"

"Жогорку Соттун төрайымы МАИнин коштоосунда жол жүрүшү туура эмес",- деп билдирди ЖКнын бүгүнкү, 16-декабрдагы жыйынында депутат Данияр Тербишалиев. Айтымында, Жогорку Соттун төрайымы Феруза Жамашева өзүнө жан сакчы алып, үйүнөн жумушка келип-кетүүдө эскорт менен жүрөт. "Эгер Жогорку Соттун төрайымынын өмүрүнө коркунуч жаралса, биз анда башка сотторго да жан сакчы бөлүшүбүз керек. Ошого сарпталчу каражатты Жогорку Сот видеокамераларды алып, соттук жыйындардын ачыктыгын камсыз кылууга жумшаса болмок",- деди Тербишалиев.