Жогорку Кеңештин тармактык комитети Кыргызстанда коомдук үрөн фонддорун түзүүнү колдоду

Бүгүн, 23-июнда парламенттеги Агрардык саясат, суу ресурстары, экология жана региондук өнүгүү боюнча комитетинин жыйынында "Кыргызстан менен Эл аралык өнүктүрүү ассоциациясынын ортосундагы "Коомдук үрөнчүлүк фонддорун колдоо" долбоору боюнча гранттык макулдашуу-катты ратификациялоо тууралуу" мыйзам долбоору каралды.

Айыл чарба жана мелиорация министри Таалайбек Айдаралиевдин берген маалыматына ылайык, учурда Эл аралык өнүктүрүү ассоциациясы тарабынан айыл чарба тармагына 2 миллион 800 миң доллар бөлүнгөн. Ал 100 пайызга гранттык негизде бөлүнүүдө. Каражат Кыргызстанда коомдук үрөн жана жардамдашуу фонддорун түзүүгө колдонулат.

Жыйында депутаттар аталган мыйзам долбоорун колдошту.