Ысык-Көл облусунда 2 кызматкерге “Мамлекеттик мыкты кызматкер” төш белгиси ыйгарылды

Бүгүн, 23-июнда Ысык-Көл облусунда Мамлекеттик кызматкерлердин күнү салтанаттуу белгиленди.

Майрамдык иш-чарада Ысык-Көл облусунун ыйгарым укуктуу өкүлчүлүгү тарабынан 11 мыкты мамлекеттик кызматкер Ардак грамота, 7 адам ыраазычылык кат, 5 адис баалуу белектер менен сыйланышты. Ошондой эле облустук жана республикалык профсоюз Ардак грамоталарды тапшырды. Мындан тышкары 2 кызматкерге “КРнын мамлекеттик мыкты кызматкери” төш белгиси тагылды. Бул тууралуу аталган өкүлчүлүктүн басма сөз кызматы билдирди.“Мамлекеттик кызматкерлердин профессионалдуулугу эң башкы орунда болгон жана мындан ары да боло бермекчи. Биз баарыбыз элибиздин жыргал жашоосу үчүн иштеп келебиз. Ошондуктан элдин ишенимин актоо - биздин милдетибиз”,- деди куттуктоо сөзүндө Ысык-Көл облусунун башчысынын биринчи орун басары Акылбек Жаныбеков.