Гүлнара Дербишева Социалдык өнүктүрүү министрлигине караштуу Социалдык коргоо департаментинин директорлук кызматынан бошотулду

Бүгүн, 16-январда Гүлнара Дербишева КРнын Социалдык өнүктүрүү министрлигине караштуу Социалдык коргоо департаментинин директорлугунан бошотулду. Тиешелүү жарлыкка өкмөт башчы Жантөрө Сатыбалдиев 2012-жылдын 27-декабрында кол койду. Айта кетсек, Дербишева 2012-жылдын 31-августунда УКМК кызматкерлери тарабынан кармалып, ага карата кылмыш иши козголгон. Ал чет элдик бала асырап алуучу компаниялар менен келишим түзүү иштериндеги коррупциялык аракеттери үчүн айыпталууда.