Чиновниктердин чет өлкөдөн мүлккө ээлик кылышына тыюу салуу демилгесин комитет жактырды

Жогорку Кеңештин депутаты Исмаил Исаков саясатчылардын жана жооптуу кызматкерлердин, алардын жакындарынын чет өлкөдөн эсеп ачышына, кыймылдуу мүлк сатып алышына тыюу салууну демилгелеп жатат. Тийиштүү мыйзам долбоору бүгүн, 24-июнда Жогорку Кеңештин Регламент жана депутаттык этика комитетинин жыйынында каралды. Демилгечи депутаттын билдиришинче, эгер кайсы бир чиновник мүлкүн толук көрсөтпөй жашырса, анда аны "ишенимден кетти" деген айыптоо менен кызматтан алуу жагы каралууда. 

Талкуудан кийин демилгени комитет мүчөлөрү колдоого алышты.