Жалал-Абадда «Экстремист» операциясы жүргүзүлүп, «Хизбут-Тахрир» уюмунун мүчөлөрү кармалды

24-июнда Жалал-Абад облусунун Сузак, Базар-Коргон райондорунда «Экстремист» операциясы жүргүзүлүп, «Хизбут-Тахрир» уюмунун мүчөлөрү кармалды. Бул тууралуу бүгүн, 25-июнда Жалал-Абад ОИИБинин басма сөз кызматы билдирди.

Маалыматка ылайык, Ырыс айыл округунун тургундары Р.Турсункулов, М.Юлдашев, Сузак айыл  округунун тургуну Х.Саражидинов, Кургак-Көл айылынын тургуну А.Абдурахимов жана Базар-Коргон айылынын  тургуну Б.Давроновдун үйүндө тинтүү жүргүзүлгөн. Натыйжада экстремисттик багыттагы 42 даана китеп, 112  даана ар кандай түрдөгү (СD, DVD) компакт-дисктер, 12 даана флеш-карта, 3 даана компьютердин блок  системи, 6 даана дептер, 7 даана телефон, 18 даана баракча, 2 даана журнал, 3 даана видео-кассета, 3 даана аудио-кассета, ошондой эле Р.Турсункуловдун үйүнөн 12-калибрдеги ИЖ-58 №Н 7227 беш ок баткан курал 10 огу менен алынды.

Азыркы убакта бул алынган далил буюмдар Ош шаарындагы теологиялык экспертизага жиберилип, кармалган  жарандардын үстүнөн алдын ала тергөө амалдары жүргүзүлүүдө.