Кыргызстанда 50 миңдей этникалык кыргыздын 40 миңи жарандык алды

Кыргызстанга 23 жылдан бери 50 миңдей этникалык кыргыз кайтып келсе, анын 40 миңи өлкөнүн жарандыгын алды. Муну парламенттин 25-июндагы жыйынында эмгек, миграция жана жаштар министри Алиясбек Алымкулов билдирди. Министрдин маалыматы боюнча, 6880 жаран кайрылман статусун алды. “Бизге кайрылбай келип жаткандар дагы бар, алардын саны белгисиз. Кайрылып келгендердин саны бир күндө 1500-2000 адамга жетсе, анда элдин массалык көчүп келүүсү деп эсептелет”,- деди министр.