Бразилиядагы Дүйнө чемпиондугу: Шакири 3 гол киргизип, Швейцарияны тайпадан чыгарды

“Е” тайпасында орун алган эки европалык команда Франция менен Швейцария өз тайпаларынан чыкты. Франция акыркы оюнда Эквадор менен тең ойноп, карамагындагы упайлардын санын жетиге жеткирди. Ал эми өткөн оюнда Францияга ири эсепте уттуруп жиберген Швейцария бул жолу Гондурасты утуп, тайпадан экинчи болуп чыкты.

Ошентип, мелдештин плей-офф баскычында (1/8 финалда) Швейцарияны Аргентина күтүп алса, Франциянын кийинки атаандашы Африканын өкүлү Нигерия болмокчу.

“Е” тайпасындагы оюндардын жыйынтыгы:

ГОНДУРАС – ШВЕЙЦАРИЯ – 0:3

Голдор: Шакири (6-мүнөттө), Шакири (31-мүнөттө), Шакири (71-мүнөттө).

ЭКВАДОР – ФРАНЦИЯ – 0:0