Ошко Бишкек шаарындагы жогорку окуу жайлардын студенттери практикадан өтүү үчүн келишти

Ош шаарына Бишкек шаарындагы Кыргыз мамлекеттик курулуш, транспорт жана архитектура университетинин 21 студенти практикадан өтүү үчүн келишти. Бул тууралуу бүгүн, 27-июнда "Сулайман-Тоо" тарыхый, археологиялык музей-комплексинин жетекчиси Абдраим Тургунбаев билдирди.

Анын айтымында, студенттер 5 күн Ош шаарында болушуп, «Кыргыз реставрация» илимий-изилдөө институтунун жетекчилиги менен орто кылымдагы мончонун айланасында тазалоо иштерин жасашты. Ал мончо X-XII кылымдарга таандык. Болочок архитекторлор бул археологиялык эстеликти изилдешүүдө.

Алардын жетекчиси Жумамедил Иманкулов эстеликтердин жана тарыхый-маданий мурастын баалуулугун айтып берди.