Шахида Аманбаева сүйлөп, басып калды

Шахида Аманбаева сүйлөп, басып калды. Бул тууралуу анын апасы Нургүл Аманбаева бүгүн, 27-июнда билдирди.

Айтымында, учурда Шахида Психикалык ден соолукту чыңдоо боюнча республикалык ооруканада дарыланып жатат.

Эске сала кетсек, 2010-жылдын 6-апрель күнү эртең менен Токмок шаарынын 1-кичи районунда мыкаачылык менен өлтүрүлгөн Рабига Жумабаеванын жансыз денеси табылган. Бул адам өлтүрүү фактысына шектүү делинип 1988-жылы туулган Урмат Аскеев, 1990-жылы туулган Алишер Жумашев, 1992-жылы туулган Шахида Аманбаева кармалган. Мына ошондон бери айыпталуучулар абакта соттун өкүмүн күтүп келишет. Буга чейин 2013-жылдын 12-декабрында Токмок шаардык соту жогоруда аты аталган айыпталуучуларды актаган. Бирок ал чечимге макул болбогон жабырлануучунун атасы доо арыз менен облустук сотко кайрылган. 29-майда Чүй облустук соту Шахида Аманбаеваны күнөөлүү деп таап, 4 жылга эркинен ажыратты. Бирок абакта 3 жылдан ашуун отургандыктан, ал "жаза мөөнөтү бүткөн" деп сот залынан бошотулган эле.