Бишкекте акча алмаштыруучу 22 жай текшерилип, талапты бузгандарына чара көрүлдү

Улуттук банктын инспекторлору Бишкек мэриясынын, Монополияга каршы жөнгө салуу агенттигинин жана Бишкек шаардык ички иштер башкы башкармалыгынын өкүлдөрү менен бирге акча алмаштыруучу жайларга текшерүү жүргүздү. Муну 27-июнда мэриядан кабарлашты. Пландалган 34 жайдын 22си текшерилип, 2 акча алмаштыруучу жай боюнча тийиштүү протокол түзүлүптүр. "Тазалык" ишканасынын кызматкерлери талапты бузганы үчүн акча алмаштыруунун баалары жазылган 35 тактаны алышты.