Баткен облусунун Чарбак айылына гуманитардык жардам жеткирилди

16-январда Баткен облусунун Чарбак айылынын жашоочуларына министр Кубатбек Бороновдун тапшырмасы менен гуманитардык жардам жеткирилип берилди. Жардамда 82 куту үй-бүлөлүк гигиеналык каражат, 403 даана самын, 112 даана жаш балдардын кийимдери, 55 даана шым, 232 килограмм кургатылган жемиш бар. Ал эми Кадамжай районунун Кара-Шоро айылына, Баткен районунун Бөжөй айылына тумандуу аба ырайына байланыштуу тик учак аркылуу гуманитардык жардам жеткирүүгө мүмкүнчүлүк болгон жок.