Башкы прокуратура Учкунбек Ташбаевге кылмыш ишин козгоду

УМККнын Коррупцияга каршы күрөшүү кызматы Башкы прокуратура менен биргеликте Мамлекеттик геология агенттигинин мурдагы директору Учкунбек Ташбаевге дагы бир айыптоону тагып, кылмыш ишин козгоду. Бул тууралуу бүгүн, 17-январда УМККнын басма сөз кызматы билдирди. Маалыматка ылайык, 2012-жылдын 15-июнь күнү Мамлекеттик геология агенттиги “Кутиссай Майнинг” жоопкерчилиги чектелген уюмунун лицензиялык жоопкерчилиги жоктугуна карабастан, 2014-жылдын 31-декабрына чейин лицензиялык макулдашуу түзгөн. Буга аталган агенттиктин мурдагы директору Учкунбек Ташбаев кол койгон. Аталган иш боюнча 16-январда Башкы прокуратура тарабынан Ташбаевге жана анын кызматкерлерине "кызмат абалынан кыянаттык менен пайдалануу" беренеси боюнча кылмыш ишин козгоду.